Mi ta un tata, esposo pa 16 aña, mi ta un homber di famia. Mi ta un profesional hoben, un ecologista y mi ta considera mi mes un persona cu un vision pa un futuro mihor pa Aruba. Un futuro sin un dump na Parkietenbos, un futuro unda nos hotelnan y nos casnan por tin acceso na tecnologia mas eficiente pa fria y baha e costo halto di utilities cu nos tin, pa un futuro unda Aruba lo ta un hub Caribense di inovacion y tecnologia fortaleciendo nos insituto di educacion.
M’a nace y lanta na Colombia, ora mi tabata tin 18 aña m’a dicidi di bay biba rond dí mundo, mi a studia pa’mi Bachelor’s den Mechanical Engineering na Merca na unda mi a cuminsa cu research den water desalination systems. Eynan mi a conoce mi casa. Mi curiosidad y interes pa conoce y busca solucionan inovativo pa e retonan grandi di nos mundo a hiba’mi cu mi famia hopi diferente pais incluyendo Francia, unda nos yiu a nace, y Hulanda unda m’a hasi mi MSc den Sustainable Energy na TU Delft y mi a start un compania inspira pa busca solucionan sostenibel pa Aruba y islanan chiquito rond di mundo. Pa mas di 10 aña caba mi ta trahando duro pa soluciona problemanan grandi manera problemanan di awa, energia y desperdicio cu un vision pa un Economia Circular. Mi a desaroya tecnologia nobo y mi ta consulta regularmente cu diferente Gobierno y compania rond di mundo riba solucionanan sostenibel, por ehempel representando Islanan di e Reino Hulandes den conferencianan mundial di waste management y di energia.
“You could say I’m a little bit from everywhere, ik spreek alle talen die op Aruba worden gesproken, amo a Colombia, pero aki na Aruba mi ta sinti’mi mas na cas. Mi ta Colombiano, mi ta Hulandes, mi ta di Caribe, pero ‘riba tur cos den mi curason mi ta un Arubiano.
Mi a biba y biaha rond mundo y aki na Aruba ainda mi ta sinti’mi safe, mi ta sinti mi trankil y mi sa cu nos lo por ta un ehempel pa Mundo henter pa con un sociedad y un economia sostenibel mester ta hinca den otro. Pa esey pasa, nos tur mester kere cu e ta posibel y cu si, nos lo por tin un sector publico fuerte y confiabel. Ta p’esei cu mi a join Accion21, nos a siña di e pasado y nos ta mira pa futuro cu enfoque den e desaroyo sostenibel di nos isla.
Mi kier y mi ta drenta den Accion pa sigura cu mi yiu muher y tur otro mucha na Aruba lo por lanta un caminda unda nan por gana libermente sin miedo di wordo atraca of maltrata. Unda nan tin e oportunidatnan di haya e miho educacion posibel no solamente intelectual pero tambe emocional. Unda ora mi ta cu pensioen, mi nietonan no lo mester preocupa pa e efectonan adverso di Cambio Climatico manera tormenta of cambio den nivel di laman cu Aruba ainda no conoce, y cu nan por biba ariba e baranca stima aki yen di naturalesa bunita un laman limpi, cu un flora y fauna saludabel y abundante.
Ban hunto tuma Accion pa nos Aruba!
Danki pa boso sosten!
